بما انكم بتخلصوا دلوقتي اول مرحلة و هي امتحانات ال IGCSE و هنبدأ من السنه القادمة نستعد للجامعات و التخصصات الاحنا شايفين انها مناسبه لينا بناء على ايه المواد الكنا مبسوطين اكتر في دراستها في حاجة مهم اننا نشرحها ليكم عشان هتدرسوا مواد مستوى أعلى من ال IGCSE و هي ال AS Level و ال A2 Level.

المواد المستوى AL زي ما احنا عارفين هي مجموع درجات ال AS و ال A2

Equation AL= AS + A2

و معروف ان لازم ندرس ال AS قبل ال A2 أو اننا بندرس الاتنين مع بعض.

موضوع البوست دا هو الفرق بين ال Linear و ال Modular في المواد ال ALevel

ال Linear هو انك تدرس المادة ال AS مره واحده، يعني لو بتتكون من ورقتين فبتمتحن الورقتين و بتعيد الورقتين لو عايز تحسن درجة المادة و كذلك ال A2

ال Modular هو انك تدرس المادة سواء AS أو A2 بانك تسجل بالورقة و لو عايز تحسن بتحسن بالورقة. يعني لو مادة زي ال AL Maths بتتكون من 6 ورقات و انت درجتك في ورقة واحدة ضعيفه بتقدر انك تحسنها.

في ال Modular ALevel بيكون فيه مصطلح اسمه Cash-in-code و دا معناه انك بعد ما تخلص ال AS أو ال ALevel بتطلب جمع درجات الورقات الموجوده في المادة و يطلعلك تقدير للمادة.

مين بيقدم ال Linear Alevel
Cambridge International
مين بيقدم ال Modular ALevel
Pearson Edexcel
Oxford AQA

 مميزات ال Linear Alevel
المدرس بيقدر انه يشرح المنهج كله من غير ما يوقف عشان الطالب يستعد لامتحان
المدرس بيقدر يرتب المنهج بالشكل المناسب للطالب في ترتيب الشرح
المدرس بيقدر يشتغل وقت اطول مع الطالب الضعيف

ايه مميزات ال Modular ALevel
الطالب بيقدر يقسم المادة لفرص اكتر على وقت اطول
الطالب بيقدر يحسن ورقة واحدة لوحدها.

في الصور هتلاقي نماذج من مادة ال ALevel Mathematics و ازاي بتتقسم في ال 3 هيئات مانحة و ازاي ممكن الطالب يقسمهم.